Вкусот на метал во устата може да биде симптом на инфекција или невролошка болест.
Дали некогаш ви паднало на памет дека штотуку сте јаделе, или се подготвувате за ручек и одеднаш го чувствувате вкусот на метал во устата? Ова чувство може да биде толку интензивно и непријатно, што веднаш ќе трчате да ја исплакнете устата!
Постојат неколку причини зошто го чувствуваме вкусот на метал во устата, а тоа може да биде предупредувачки знак за неколку болести.
Ако одеднаш се чувствувате како да „проголтавте“ грст полн со метални пари, ова се можните причини!
1. Лоша орална хигиена
Доколку не ги миете забите доволно често и не користите конец за заби, можно е да имате периодонтитис или гингивитис. Овие заболувања на непцата може да предизвикаат метален вкус во устата.
„Доколку, покрај вкусот на метал, чувствувате и лош здив, непцата или забите се чувствителни, ова се сигнали за заболување на непцата и време е да го посетите стоматологот“, вели стоматолошката професорка Изабел Гарсија.
2. Инфекција или настинка
„Слузта што се спушта од носот во грлото може да има метален вкус, особено ако имате синусна инфекција. „Луѓето кои страдаат од хроничен синузитис често чувствуваат непријатен вкус сличен на метал во устата“, вели педијатарот Лиса Луис.
3. Невролошка болест
Многу невролошки заболувања даваат различни симптоми поврзани со вкус, мирис, па дури и звук. Ако се сомневате во невролошка болест, одете на лекар без одлагање.