Кафето може и да се расипе – еве како да го препознаете и колку трае за различни видови на овој пијалок!
Кафето е еден од омилените пијалоци кои се консумираат ширум светот, но она што ниту најголемите обожаватели не го знаат е дека може да се расипе.
Значи, кафето има свој рок на траење, а колку долго зависи од видот на кафето и секако од тоа дали сте го отвориле, но и од тоа каде го чувате.
Неотворено мелено кафе може да трае од три до пет месеци кога се чува на собна температура, па дури и една до две години ако го чувате во замрзнувач! Кога ќе го отворите, неговиот рок на траење е од три до максимум пет месеци.
Рокот на траење на зрната кафе е од шест до девет месеци пред да го отворите, доколку го чувате на собна температура, а во замрзнувач од две до три години. По отворањето, ова кафе треба да се искористи во рок од шест месеци, а доколку го чувате во замрзнувач, тој рок може да се продолжи до две години.
Инстант кафето има најдолг рок на траење, па во зависност од пакувањето во кое се наоѓаат, може да траат од две до 20 години! Повеќето пакувања за овој вид кафе имаат слој од алуминиум, кој спречува влагата или топлината да навлезат во самото кафе, со што се продолжува неговиот рок на траење.
Свежината на ова кафе трае исто толку време по отворањето, повторно во зависност од пакувањето. Секако, ако добро го затворите, може да трае навистина долго, а вкусот ќе остане непроменет.
Ако, на пример, сте добиле кафе или само сте направиле некои поголеми залихи, експертите советуваат да ги чувате во замрзнувач, за да ја зачувате неговата свежина. И не грижете се, вкусот и мирисот нема да се променат!
Можеби веќе сте се запрашале како да препознаете дека кафето е истечено, со оглед на тоа дека не може да се расипува во смисла дека се валка, како и многу други намирници.
Единствениот начин да бидете сигурни дека вашето кафе сè уште е добро за употреба е да се потпрете на вашите сетила за мирис и вкус. „Расипано“ кафе повеќе го нема тој прекрасен, препознатлив мирис, а кога ќе го испиете се чувствува вкусот на стагнација.