Купувањето на невестата традиционално е еден од најемотивните моменти на свадбите, кога семејството и пријателите ја испраќаат младата на патот кон новиот живот.
Но, еден видео-снимка кој неодамна стана вирален, му даде сосема неочекуван пресврт на овој обичај и предизвика голема полемика.
Имено, братот на невестата решил клучниот момент да го посвети единствено на својата сестра. Тој ѝ предаде симболичен клуч и ѝ порача дека секогаш ќе има дом во кој може да се врати.
Иако не е познато каде е снимено, видеото објавено на социјалните мрежи предизвика бурни реакции.
Како што се гледа на снимката, додека во просторијата стоеле невестата и младоженецот, братот ѝ пријде на сестра си, ја зеде за рака и ѝ стави во дланката клуч од нејзиниот поранешен дом. Кога сфатила што држи, невестата заплакала, го прегрнала братот и му ја бакнала раката.
Сето тоа, не баш воодушевено, го набљудувал младоженецот, додека атмосферата во просторијата станала силно емотивна и полна со солзи.
Овој гест ги подели Србите: додека едни го пофалија братот за емотивниот чин, други сметаа дека потегот може да се сфати како провокација и сомнеж во бракот.
Реакции на социјалните мрежи
Поддржувачите пишуваа:
-
„Секоја му чест!“
-
„Вака треба, секогаш да знае дека има каде да се врати.“
-
„Јас на сестра ѝ изградив куќа, за да има засолниште ако некогаш ѝ затреба.“
Но имаше и спротивни мислења:
-
„Ова е понижување за сестрата.“
-
„Престанете да го романтизирате примитивизмот.“
-
„Лепо му порачаа на младоженецот дека не му веруваат.“
Така, едноставен подарок – клучот – предизвика расправија: дали е тоа симболична поткрепа и љубов на братот или знак на недоверба кон новиот брак?