Истражувањата покажуваат дека умерените конзументи на кафе живеат подолго и имаат помал ризик од предвремена смрт.
Д-р Рени Хоендеркамп истакна десет главни причини зошто кафето не е само омилен утрински напиток, туку и сојузник на здравјето.
„Многу луѓе постојано слушаат дека кафето е лошо и дека треба да се намали или целосно исклучи. Сепак, умереноста е клуч. Кофеинот во разумни количини може да биде корисен, а кафето има бројни здравствени придобивки кои можат да го продолжат животот“, нагласи докторката. Самата понекогаш испие и до пет шолји дневно, а понекогаш и повеќе.
ПОДОЛГ ЖИВОТ И ЗАШТИТА НА СРЦЕТО
Истражувањата покажуваат дека умерените конзументи на кафе живеат подолго и имаат помал ризик од предвремена смрт. Кофеинот може да го намали ризикот од кардиоваскуларни болести и други сериозни заболувања.
ПОЛИФЕНОЛИ И АНТИОКСИДАНТИ
Зрната кафе се богати со полифеноли, антиоксиданти, витамини и минерали, кои се ослободуваат за време на печење и мелење. Темно печениот кафе особено помага во намалување на оштетувањата на ДНК — природен процес кој може да доведе до развој на рак. И обично и безкофеинско кафе можат да го намалат ризикот од рак на дебелото црево за дури 23%.
РЕГУЛАЦИЈА НА ШЕЌЕРОТ ВО КРВТА И ДИЈАБЕТЕС
Кофеинот помага телото поефикасно да го регулира нивото на шеќер во крвта, со што се намалува ризикот од дијабетес. Две шолји кафе дневно можат да понудат и одредена заштита од Алцхајмерова болест.
ПРЕВЕНЦИЈА НА МОЗОЧЕН УДАР
Само една шолја кафе дневно може да го намали ризикот од мозочен удар.
„Мозочните удари се опасни затоа што можат сериозно да го нарушат квалитетот на животот на пациентот“, напомена д-р Хоендеркамп.
НЕУРОДЕГЕНЕРАТИВНА ЗАШТИТА
Кафето го намалува ризикот од Алцхајмерова и Паркинсонова болест. Кај заболените помага во подобра контрола на движењата и одржување на функционалноста.
ЗДРАВЈЕ НА ЈЕТРАТА
Редовното конзумирање на безкофеинско кафе придонесува за нормални нивоа на јатрени ензими, со што се намалува ризикот од заболувања на јетрата.
ПОЗИТИВЕН ЕФЕКТ ВРЗ МИКРОБИОМОТ
Кафето помага во одржување на здрав микробиом во цревата, а здравиот дигестивен систем значи здрав организам.
ПРЕВЕНЦИЈА НА РАК НА ПРОСТАТА И БУБРЕЗИТЕ
Најновите истражувања покажуваат дека соединенијата од кафе, кафеол и кафестол, можат да го инхибираат растот на клетките на рак на простатата и бубрезите во лабораториски услови.
УМЕРЕНОСТА Е КЛУЧ
„Некои луѓе се повеќе чувствителни на кофеин, а некои го метаболизираат побавно. Слушајте го вашето тело и не претерувајте“, советува докторката.
ПРЕДУПРЕДУВАЊЕ ОД СВЕТСКАТА ЗДРАВСТВЕНА ОРГАНИЗАЦИЈА
Прекумерниот внес на кофеин (повеќе од 600 mg дневно) може да предизвика анксиозност, несоница, нервоза, забрзан пулс, дијареа и немир.