Свети Григориј се истакнал со своето големо образование и духовно искуство. Учествувал на Вториот вселенски собор во 381 година во Константинопол, каде дал значаен придонес во формулирањето на христијанската доктрина.
Денеска, 23 јануари 2025 година, МПЦ и нејзините верници го слават празникот посветен на Свети Григориј Ниски, епископ Ниски. Свети Григориј Ниски (околу 335 – ок. 394) бил помлад брат на свети Василиј Велики и близок пријател на Григориј Богослов. Роден е во Неокесарија во Понт, во угледно и благочестиво семејство. Отпрвин бил презвитер, бидејќи бил оженет со блажената Теосва. По нејзината смрт, тој беше избран и осветен за епископ во Ниса.
Свети Григориј се истакнал со своето големо образование и духовно искуство. Учествувал на Вториот вселенски собор во 381 година во Константинопол, каде што дал значаен придонес во формулирањето на христијанската доктрина. Се смета дека тој го составил вториот дел од Символот на верата. Тој бил познат како голем оратор, толкувач на Светото писмо и теолог. Неговите дела и денес имаат големо влијание врз христијанската теологија.
Поради неговото противење на аријанската ерес, свети Григориј бил прогонуван и поминал осум години во егзил, претрпувајќи многу неволји и понижувања. И покрај тоа, тој остана цврст во својата вера и продолжи да ги шири христијанските учења. Починал кон крајот на IV век, оставајќи зад себе богато теолошко наследство.
На овој ден верниците се охрабруваат да простат и да ги заборават сите несогласувања од претходната година, по примерот на свети Григориј, кој не научи да најдеме сила да им простиме на оние кои ни згрешиле. Според народното верување, треба да се каже молитва посветена на свети Григориј Ниски:
„Боже на нашите татковци, постапувај со нас секогаш според Твојата кроткост, не оставај нè со Твојата милост, туку уредувај ни го животот во мир со нивните молитви. Амин“.
Можете исто така да ја кажете следната молитва за простување на гревовите:
„Свети Григориј, моли Го Бога за нас грешните, да ни подари прошка и милост, да ни ги исчисти срцата од секаква злоба и омраза и да не научи да се сакаме еден со друг како што Господ не љуби, амин.
Нека примерот од животот на свети Григориј Ниски ни биде поттик да живееме во љубов, простување и меѓусебно разбирање.