Омикрон обично има поблаги симптоми, поради што многумина претпочитаат да се лекуваат „сами“. Ова се најголемите грешки при лекување на нов вид дома
Омикрон стана доминантен вид корона насекаде во светот, и иако експертите предупредуваат дека постои можност да се појават нови мутации, тие сепак се согласуваат дека следните типови на вирусот САРС-КоВ-2 треба да бидат поблаги. Најважната карактеристика на омикронот е тоа што е многу позаразен од претходниот сој – делта, но сите докази укажуваат дека предизвикува поблаги клинички слики.
Затоа многу пациенти често се одлучуваат да се лекуваат, применувајќи го „рецептот“ што им го препишале лекарите при претходна инфекција со корона (ако веќе заболеле од ковид) или оној што им го дале нивните пријатели или роднини. Ова е исклучително опасно, предупредуваат експертите, дури и кога станува збор за омикрон, кој ретко предизвикува тешки состојби.
Д-р Алексеј Хухрев ги откри најголемите грешки во лекувањето на инфекцијата со омикрон, а ја издвои употребата на лекови за разредување на крвта и антибиотици „само“. Употребата на антибиотици често доведува до отпорност на телото на често земаните лекови и во иднина целосно ја намалува нивната ефикасност. Тоа значи дека воопшто нема да влијае на телото кога ќе ги пиете.
„Ова е навистина нешто што убива многу повеќе од омикрон. Оние кои работеле во единиците за интензивна нега, во сериозни одделенија, знаат како е кога ниту еден антибиотик не делува “, објасни експертот.
Лековите кои ја разредуваат крвта, доколку се земаат без рецепт, предизвикуваат крварење во желудникот и цревата. Лекарите предупредуваат дека најголемата опасност овде е што овој тип на лек нема „замена“, па нема друга опција. Опасно е и „третманот“ со алкохол. Алкохолот врши поголем притисок врз веќе ослабениот имунолошки систем.
Лековите за намалување на температурата треба да се земаат внимателно и само доколку е потребно.
„Ако температурата е под 39, може да се толерира, не ви треба антипиретик. Се разбира, се што е над 39 степени треба да се „спушти““, вели докторот.
Докторот советуваше и дека доколку омикронската инфекција поминала со благи симптоми и без последици, во фазата на опоравување најдобро е да пиете што повеќе вода, да се одморите и да не бидете изложени на стрес.