Ако сте родител со мали деца, ова се некои од идеалните острови за посета во Грција
Започна сезоната на летни одмори, а нашите за одмор најмногу ги избираат Црна Гора и Грција .
Ако сте родител со мали деца, ова се некои од идеалните острови за посета во Грција. Овие островски дестинации обезбедуваат совршена комбинација на плажи, авантура и култура, правејќи го вашиот одмор со децата навистина посебен.
Крит
Крит е најголемиот остров во Грција, а покрај неговата прекрасна природа нуди и различни атракции како Кносос, археолошки локалитет со остатоци од античка палата на минојската цивилизација, каде децата ќе бидат маѓепсани од приказните за легендарниот Минотаур. Исто така, не се пропуштаат плажите како Елафониси и Балос.
Крф
Еден од најубавите грчки острови, освен што има неверојатни пејзажи и места за одмор и уживање, има и аква парк, во кој најмалите особено ќе уживаат. Исто така, на Крф можете да посетите прекрасни диви плажи како што е Палеокастрица, како и бројни паркови и ботанички градини.
Закинтос
Иако Закинтос обично се поврзува со богат ноќен живот, тоа секако не е се што може да понуди овој остров. Погоден е и за семејства со деца, кои несомнено ќе бидат воодушевени да ги посетат сините пештери и прекрасните карпести формации кои ја создаваат небесната сина светлина. Закинтос е дом и на заштитениот вид желка „Caretta Caretta“, па можете да организирате екскурзија и да ги посетите овие животни кои се интересни за сите деца.
Родос
Еден од најпопуларните грчки острови е Родос, кој има богата содржина за деца од сите возрасти. Освен долгите песочни плажи како Фалираки и Цамбика, кои се погодни за играње и капење, тука е и Стариот град на Родос кој вреди да се посети.