Али Ахмети во изјава за Канал 5 вели дека верува во решавање на македонско-бугарскиот спор и очекува дека Бугарија ќе ги надмине чувствителните теми.
Прашање: Кој е вашиот личен или партиски став на ДУИ околу ветото со Бугарија?
-Демократската унија за интеграција одсекогаш имала конструктивен став. Јас ги бранам и ДУИ ги брани државните интереси, но нашите силни определби да инсталираме мир, стабилност безбедност и иднина на нашата земја, при што сме посветени на решавање на тешките теми кои што бараат навистина храброст и државност и едниствената алтернатива е земјата да ги реши претходните спорови кои што се пречка за понатамошно унапредување на интегративните процеси, како што имавме храброст да го репиме 20 годишниот спор со грчкката страна, истата храброст за поголеми државни интереси, треба да работиме посветено.
Јас сум многу сигурен дека домашните авторитети, во овој случај премиерот на земјата господинот Заев, го ставил над своите лични интереси интересот на државата, на иднината на државата, на граѓаните, на мирот, на стабилноста и верувам дека ова толку сензитивно прашање ќе се заврши, ќе се затвори, вели Ахмети.
Прашање: Бугарија има неколку условувања, едно од тие условувања е и она вчерашното да не се користи придавката македонски, нема ли да се продлабочи јазот со се повеќе барања од бугарската страна?
-Ова се зензитивни прашања и што подолго ние доцниме толку повеќе емоции се влеваат во прашањето. Не само еднаш сме изјавиле дека ги подржуваме нашите сограѓани Македонци во овој значаен процес и сметам дека и бугарската страна ќе има предвид дека во овие значајни процеси, затоа што Бугарија навистина има инвестирано целиот регион да биде интегриран во ЕУ и веруваме и верувавме дека Бугарија ќе најде сила за да ги надмине овие емотивни ситуации.
Затоа што ако на Балканот се внесеме во историјата, ќе треба навистина да изградиме нов Балкан. Затоа од голем интерес е ние да не го изгубиме чекорот од зачленување во Европската унија, затоа што унијата е механизмот кој што ќе ги доближи заедниците и државите, додава Ахмети.