Една од девојките која се нашла на Алјаска во потрага по добра плата е тиктокер Ива, која своето искуство од работата таму го сподели на ТикТок.
Таа работи во компанија која се занимава со риба, а во видеата открива како изгледа нејзиниот просечен ден, како и се платите и какво е нејзиното работно време. Таа тврди дека платата е многу добра, но дека е многу напорна работа. Платата се движи од 2.000 до 7.500 долари.
Во едно од последните видеа, таа сними како оди на работа на првиот ден од сезоната, а ова видео дефинитивно покажува колку е напорна оваа работа, станувањето во зората.
– Добро е што овде нема животни, освен орли и лисици, инаку не би било безбедно да се шета во оваа темнина – вели таа во видеото.
Таа вели дека сега живее во бунгалов во центарот на комплексот, а првиот ден тргнала да ја позајми опремата за работа.
„На почетокот ќе кажам дека платата се движи од 2.000 долари месечно, ако работиш во најслаба компанија или паднеш некаде каде што има лоша сезона, и до околу 7.500 ако паднеш во добро друштво и ако сезоната е силна. Можеби 7.500 звучат како многу, но буквално секој ден работите 16 и пол часа, без слободен ден. Така да немате слободен ден“, изјави претходно Ива.
„Паузите се четири часа и 15 минути. Првата пауза по четири часа е 15 минути, по следните четири часа има пауза од половина час за оброк, по четири часа има уште една пауза од 15 минути и потоа работа до крајот на смената. Навистина е тешко и можеш така да работиш два месеци.
Станува збор за фирми кои работат со лосос и тоа се прави во јуни и јули. Има неколку фирми, некои се поделени на 12-часовни смени, некои 16 и пол часа, а има и такви каде што нема смени, секој работи по една смена“, објасни Ива.