Во вториот квартал на 2025 година, дури 2,1% од сите работни места во ЕУ останале празни, но проблемот не е недостаток на работна сила, туку недостаток на квалификувани работници.
Според податоците на Евростат, дури 2,1% од сите позиции во ЕУ останале празни во вториот квартал на 2025 година. Главниот проблем не е недостаток на луѓе, туку недостаток на квалификувани работници.
Каде недостасува работна сила?
Најмногу отворени позиции се во развиените европски земји. Германија предводи со повеќе од еден милион слободни работни места, а следат Велика Британија (780.000) и Франција (504.000). Од друга страна, во држави како Романија (0,6%), Шпанија и Полска (0,8%) бројот на отворени работни места е значително помал.
Интересно е што, и покрај тоа што Шпанија бележи голем број на имигранти, таа има значително помалку отворени позиции од Германија. Ова укажува дека миграциските трендови не секогаш ги следат потребите на пазарот на труд.
Проблем со вештини и квалификации
Главната причина за овој дисбаланс е недостатокот на вештини кај работниците. Истражувањето на компанијата Manpower Group покажува дека дури 75% од европските работодавци не можат да најдат вработени со соодветни квалификации. Ова претставува огромен скок во однос на периодот пред пет години и јасно покажува дека работните места на иднината веќе постојат, но недостасува работна сила со потребното знаење.
Најголем недостаток на квалификувана работна сила е забележан во северните и западните земји на Европа. Иако Европската комисија работи на нови политики за вработување, податоците јасно покажуваат дека главниот предизвик е усогласување на знаењето и вештините на работниците со барањата на современиот пазар на труд.