Најдобриот српски тенисер Новак Ѓоковиќ го напушти тренинг натпреварот против Данило Медведев, откако побара лекарска помош поради проблем со коленото на левата нога.
Сесијата на Новак со Русинот требаше да трае 75 минути, но Новак се откажа по само 36 минути поради тоа што во тие моменти не се движеше баш најдобро, пренесуваат медиумите во Австралија.
На социјалните мрежи се појави видео од тренингот на Нолет на кое се гледа како лекарите му помагаат со болки во левото колено.
Воедно се гледа дека сопственикот на 21 Грен слем трофеј тешко се движел во тие моменти.
Новак во петок треба да одигра егзибициски меч против Ник Киргиос, а билетите за тој дуел се распродадени за само 58 минути, јавува Радио Сараево.
Австралија опен се игра од 16 до 29 јануари, а титулата ја брани Рафаел Надал.
Injury scare for Novak Djokovic. Had his left knee worked on at the change of ends. Was broken immediately and isn’t moving very well pic.twitter.com/cy33nFvE0g
— Martin Gabor (@MartinJGabor) January 11, 2023