Сулејман Абдул Самед е висок речиси 3 метри и се заканува да го собори рекордот за највисок човек на светот.
Приказната за највисоката жена на светот, која открила како наеднаш почнала да расте , воодушеви многумина, а највисокиот маж во Гана ја надмина со височина од неверојатни 2,92 метри .
Имено, Сулејман Абдул Самед стана многу популарен во Гана и каде и да оди сите сакаат да се сликаат со него и сето тоа благодарение на неговата необична висина од речиси 3 метри.
Таа висина го прави највисокиот човек на светот , но сепак има мал проблем бидејќи никој не може со сигурност да каже дали мерните уреди што ги користи болницата покажуваат точни резултати.
На Сулејман пред неколку години му беше дијагностициран гигантизам и оттогаш секој месец оди на редовни контроли. Но, на последниот преглед настанала неочекувана ситуација. Сулејман бил повисок од вагата во лекарската ординација, а зачудената медицинска сестра веднаш повикала колега.
„Тој сега е повисок од нашата скала“, рече таа.
Нејзиниот колега им предложи да земат столб, да го закачат на врвот на вагата и да го искористат за да се обидат да ја измерат висината на Сулејман, пишува Yahoo news .
Токму поради овој нестандарден метод на мерење, никој не може со сигурност да каже дали навистина е висок 289 сантиметри. Веста за Сулејман брзо се прошири низ земјата, па поради тоа многумина застануваат и го поздравуваат на улица.
Исто така, тој не може да вози автомобил бидејќи неговите нозе се толку големи што го спречуваат правилно да го држи воланот, па дури и да влезе во автомобилот. За да влезе во куќата, тој мора целосно да го свитка грбот бидејќи рамката на вратата е прениска за него.
Кога го измериле експертите, се испоставило дека е висок 223 сантиметри, што е многу помало од она што го кажале лекарите во болницата.
Иако сегашниот рекорд го држи Турчин кој е висок 247 сантиметри, Сулејман не е загрижен и вели дека се надева дека еден ден ќе го претекне.
„Сè уште растам. Кој знае, можеби еден ден ќе ја достигнам таа висина. На секои три до четири месеци можете да видите промена во мојата висина “, вели тој.