Американскиот претседател Доналд Трамп со остар тон настапи на Светскиот економски форум во Давос, каде одржа 75-минутен говор што предизвика силни реакции во светската јавност.
Во фокусот на неговото обраќање повторно беше Гренланд, автономна територија на Данска, за која Трамп отворено изјави дека претставува стратешки и безбедносен приоритет за САД.
„Нема враќање назад, Гренланд е императив“
Непосредно пред заминувањето за Швајцарија, Трамп ги заостри заканите околу преземањето на Гренланд, порачувајќи дека „повеќе нема назад“ и дека прашањето за Гренланд е императив за американската национална безбедност.
На прес-конференција во Белата куќа, на прашањето колку далеку е подготвен да оди за Гренланд да стане американски, Трамп кратко одговори:
„Ќе дознаете.“
Давос во сенка на Гренланд
На Светскиот економски форум, Трамп најави дека ќе разговара со европските лидери токму за прашањето на Гренланд, што дополнително ги подгреа тензиите меѓу Вашингтон и европските престолнини.
Неговите изјави се оценуваат како најдиректен притисок врз Данска досега, а дел од европските медиуми го нарекоа настапот ултиматум без преседан во современата дипломатија.