Тие сакаа да видат каква штета е предизвикана од поплавата, кога водата со голема брзина навлезе во лифтот.
Поплавата што го погоди Омаха во Небраска минатиот викенд зароби група пријатели во лифт, а во вознемирувачката снимка се гледаат само нивните глави над водата.
Тони Лу и неговите пријатели излегоа во саботата навечер за да ја видат штетата предизвикана од поплавите што ја погодија областа.
Меѓутоа, кога влегле во лифтот во зградата и го притиснале копчето за да се симне, се случило нешто страшно. Водата почна да продира во лифтот и да се крева со голема брзина, за да стигне до нивниот врат во еден момент.
Страшно видео објавено од Тони на Инстаграм покажува како тој и неговите пријатели очајно се обидуваат да ја држат главата над вода додека не пристигне помошта.
– Кога водата почна да продира низ канализацијата, мислевме дека тоа ќе биде само до глуждовите. Меѓутоа, кога таа стигна до нејзиниот стомак, сфатив дека ова навистина се случува – рече тој за KCCI.
Загрижен за нивната безбедност, Тони го повика својот цимер и полиција за помош. Според извештаите, еден од цимерите на Тони се обидел да ја отвори вратата пред итните служби да стигнат до нив.
За среќа, Тони и неговите пријатели беа спасени од поплавата. Според податоците, околу 18.000 луѓе останале без електрична енергија за време на невремето.