Миленичињата го намалуваат стресот, депресијата и влијаат на одржувањето на телесната тежина и кондиција. Кучињата особено им помагаат на луѓето со Алцхајмерова болест и аутизам преку специјализирани програми.
Го намалуваат крвниот притисок, ризикот од срцеви заболувања, го зајакнуваат имунитетот … Науката потврди дека кучињата и мачките се лековити исто како и терапијата
Ако имате миленичиња, веќе знаете за радоста и љубовта што ја носат. И науката потврдува колку тие навистина се корисни за луѓето – и ментално и физички.
Како навистина помагаат животните што ги избравме за домашни миленици? Една од теориите е дека тие го зголемуваат нивото на окситоцин, хормон кој го намалува крвниот притисок, го зајакнува имунитетот и ја зголемува толеранцијата кон болки.
Исто така, миленичињата го намалуваат стресот, депресијата и влијаат на одржувањето на телесната тежина и кондиција. Кучињата особено им помагаат на луѓето со Алцхајмерова болест и аутизам преку специјализирани програми.
Според анализата направена во Шведска, поседувањето куче го намалува ризикот од смрт поради кардиоваскуларни заболувања за 33 проценти, а за срцев удар за 11 проценти.
Друго истражување покажа дека новороденчињата кои живеат со мачки имаат помал ризик да добијат астма, пневмонија и бронхитис во детството, пренесува порталот mnn.com.
Истражувањето спроведено меѓу учениците покажа дека миленичињата исто така можат да го зајакнат имунитетот. Резултатите од истражувањето наведуваат дека „галењето куче го зголемува нивото на имуноглобулин А во плунката за само 18 минути“.
Анализите откриле дека кучињата можат да им помогнат на учениците да се смират во фазата пред испит. Само десет минути галење куче или мачка може да го намали нивото на кортизол.
Живеењето во стресна деловна средина го зголемува ризикот од заболување од срцеви заболувања. Контактот со миленичиња го спречува одговорот на стресот со намалување на хормоните за стрес, но и нивото на вознемиреност. Истражувањата исто така покажаа дека дружењето со кучиња значително помага во лекувањето на депресијата.
Нашите пријатели со четири нозе исто така ни помагаат да се спријателиме, меѓу другото и затоа што луѓето што чуваат животни се смеат повеќе.
Куче наместо лекови против болки
Прелиминарните наоди од клиничкото испитување на Американската асоцијација за човеково здравје покажуваат дека кучињата го намалуваат чувството на осаменост, депресија и стрес кај децата кои се борат со ракот, а исто така можат да ги мотивираат да јадат подобро и да ги следат препораките за лекување, пишува порталот mnn. com
Милиони луѓе во светот живеат со различни видови на болка. И тука можат да помогнат животните. Истражувањата покажаа дека 34 проценти од пациентите кои страдаат од фибромијалгија (болка во мускулите и коските) пријавуваат олеснување на болката, подобро расположение и помал замор, откако поминале време со кучиња.
Луѓето кои биле подложени на операција за вештачки зглобови вградиле 28 проценти помалку лекови против болки откако поминале време со кучиња обучени за терапија и контакт со пациенти, во споредба со оние кои немале контакт со нив.