Проверивме дали сегашните поскапувања ги променија пазарните навики и дали поради тоа сè повеќе граѓани купуваат половна облека.
Брановите на поскапувања кои неодамна не „зафатија“ донесоа одредени промени во куповните навики на потрошувачите.
Една од новостите е дека граѓаните се повеќе избираат да купуваат облека во продавници за користена облека.
Не ретко и самите корисници на социјалните мрежи се фалат со добар „улов од втора рака“ на своите профили, што значи дека за многу малку пари пронашле квалитетно парче облека.
Инстаграм и Тик-Ток се преполни со страници на кои се рекламира половна облека, а интересот за овој вид на шопинг е се поголем.
Според статистичките податоци, во последните пет години, индустријата за користена облека пораснала 21 пати побрзо од пазарот на малопродажба на облека , а дури 40% од купувачите ја земаат предвид вредноста на облеката при препродажба , што е двојно повеќе од бројот во споредба со периодот пред седум години.
Дека побарувачката за оваа облека е зголемена, ни потврдија и во продавниците на „second hand“. Велат дека забележителен е скок на бројот на луѓе кои овде ќе бараат гардероба и на тој начин ќе заштедат пари.
Интересот е голем. Доаѓаат голем број луѓе, гледаат наоколу, купуваат… Некои, како што рече, сепак избегнуваат да купуваат половна облека, но во принцип ги има повеќе од порано, сопственик на продавница за користена облека.
Продавниците на „second hand“ најчесто имаат свои редовни клиенти, но поскапувањето ги натера другите да пазаруваат во овие бутици.
Пандемијата на корона вирусот пред две години секако го наруши нашиот секојдневен живот и не принуди да усвоиме нови навики. Сега, очигледно, истото го прави и економската криза која го тресе светот.
– За време на пандемијата се зголеми интересот за половни производи. Оваа актуелна состојба со војната во Украина, како и сегашните поскапувања придонесоа овде да купуваат повеќе луѓе, посочува нашиот соговорник.
Одредени продавници за половна облека, како и бутици кои продаваат нови артикли, ги зголемија цените. Причината, како и кај повеќето други дејности, е увозот.
– Не ги покачивме цените, бидејќи сме директни увозници. Се трудиме да ги држиме цените ниски бидејќи се уште ја имаме таа опција. И ние се трудиме да останеме во опсегот на цените како што беа порано, особено поради моменталната состојба, вели соговорникот.
Новата роба обично пристигнува во таквите продавници еднаш неделно, а редовните клиенти знаат кој ден ќе биде и внимаваат да дојдат токму тогаш . Ниту попустите и распродажбите не се ретки, како и во сите други бутици.
Оние кои се облекуваат во „втора рака“ како еден од главните аргументи, покрај достапноста, го потенцираат и квалитетот бидејќи робата се увезува.
Гардеробата е увезена од Европската Унија, Западна Европа – Холандија, Германија, Швајцарија и други земји, изјави за нашиот портал сопственик на продавница за половни производи.