Таткото и ќерката преживеале, но мајката и синот не!
Деновиве во Турција имаше емотивна средба меѓу татко и ќерка кои ги раздели разорниот земјотрес. Спасувачите ги извлекле двајцата од урнатините на југот на Турција, а потоа ги разделиле за време на процесот на спасување.
Девојчето Гада Ајан има четири години. Нејзиниот татко Ахмет раскажа како било кога се случил земјотресот. „Кога почна да се тресе, ја грабнав ќерка ми и целото семејство да истрчаат. Зградата се урна врз сите нас“, изјави тој за Си-Ен-Ен.
За жал, неговата сопруга и синот не преживеале. Ахмет раскажа застрашувачки детали за тоа како, додека бил заробен, го слушал плачот на својот син. Но, до него беше малата Гада, која лежеше пред неговите нозе, заробена во урнатините заедно со нејзиниот татко.
Ги извлекле од урнатините и ги разделиле
На четвртиот ден во урнатините, Ахмет почна да губи надеж. Тешко повредената нога му болеше. Но, ќерката не му дозволила да изгуби надеж. „Ми рече да не плачам, да се опуштам, дека некој ќе дојде по нас“, се сеќава тој.
Во еден момент таа му рекла да ја погледне светлината што доаѓа низ пукнатините. Погледна, а потоа слушна гласови. По нив пристигнале спасувачи. Гада беше извлечена прва и едвај имаше гребнатинка.
Половина час подоцна бил извлечен и Ахмет. Во целата гужва Ахмет и Гада се разделени. Додека бил во болница, тој почнал да ја бара на социјалните мрежи, објавувајќи нејзина слика и моли за информации.
Девојката била во социјалната служба
На крајот, роднина дознала дека на социјалната служба има здраво девојче без родители. Беше Гада. „Таа ме одржа во живот. Тоа е моето девојче, мојата хероина“, рекол Ахмет. На Твитер е објавено видео од нивната средба. Малена почнала да плаче додека татко и ја гушкал.
Да потсетиме, повеќе од 46.000 луѓе загинаа во разорните земјотреси што ги погодија Турција и Сирија пред речиси две недели. Според последните податоци, само во Турција загинале 40.642 лица. Сириската влада и ОН известуваат дека во таа земја загинале најмалку 5.800 луѓе.
#TurkeySyriaEarthquake2023
Touching moments😭♥️
Ahmet Ayan, who was rescued from the rubble in #Hatay and transferred to the hospital in #Adana was reunited with his 4-year-old daughter #Gade after the deadly earthquake in #Turkey
Ahmet lost his wife and son 😥💔#Heartbreaking pic.twitter.com/uio3ESh3nM— Rula El Halabi (@Rulaelhalabi) February 13, 2023