Хрватски полицајци и помагале на една бабичка во Загреб да го тргне автомобилот од улица и да го однесе на паркингот кај блиската бензинска пумпа.
Минувачите велат дека сцената им го разубавила денот.
Бабичката останала без гориво додека го возела автомобилот, а во близина имало полицајци кои веднаш притрчале на помош. Заедно, тие го турнаа нејзиното бело фиќо, а ентузијастичките граѓани го снимиле нивниот гест.
Видеото се прошири на социјалните мрежи, а пофалбите за грижливите полицајци сигурно не изостанаа.
Во оваа прилика, Министерството за внатрешни работи на Република Хрватска се огласи и на Твитер.
– Неволјата доаѓа во сите форми, а помошта кога најмалку очекувате! Колегите и помогнаа на дамата чиј автомобил вчера се расипа во сообраќајот на улицата Славонска – напишаа тие на официјалниот Твитер профил.
Nevolja dolazi u svim oblicima, a pomoć kad se najmanje nadaš! Kolege su jučer pomogli gospođi čiji je fićo otkazao poslušnost u prometu na Slavonskoj. Čitatelji @24sata_HR ovjekovječili uporabu sile bez primjedbi😇 #sigurnouprometu #MUPbrine https://t.co/rmE2azba3H pic.twitter.com/aNKhRT4ePx
— MUP-RH (@mup_rh) September 1, 2021