Иако изминатите денови имавме повисоки, речиси пролетни температури, следува нагло заладување и враќање на вистински зимски услови. Според најавите од метеоролозите и предупредувањата на УХМР(врз чиј модел е направена и регионалната прогноза), снежен бран во два наврати ќе го зафати поширокиот регион, со можност за обилен снег и во делови од Македонија, особено во западните, северните и планинските подрачја.
Се очекуваат врнежи со интензитет над 20 l/m² за 12 часа во некои подрачја и брзо формирање на снежна покривка — локално и над 20–25 сантиметри, особено на повисоките места.
Можни последици од снежниот бран
-
отежнат сообраќај и застои на патиштата
-
проблеми во јавниот превоз
-
можни прекини во снабдување со електрична енергија поради влажен и тежок снег
-
кршење гранки и оштетувања на дрвја
-
зголемено оптоварување на покриви и објекти
-
намалена видливост и лизгави коловози
Во источните и повисоките делови се очекува и засилен ветер со удари над 60 km/h, што дополнително може да ја влоши состојбата на терен.
Прогноза по денови (прилагодено за Македонија)
Понеделник:
Наутро магла и ниска облачност по котлините, со слаб мраз. Во текот на денот променливо облачно со сончеви периоди. Попладне постепено наоблачување, а навечер врнежи од дожд кои во повисоките места ќе преминуваат во снег.
Температури: од околу -5 до 10°C.
Вторник:
Значително заладување и пообилни врнежи. Дождот ќе преминува во влажен снег и во пониските делови. Можно е брзо создавање снежна покривка, особено во западна и северна Македонија и во планините.
Можно натрупување: 10–25 см локално.
Температури: од -3 до 6°C.
Среда:
Променливо облачно и ветровито со сончеви интервали. На места ќе има краткотрајни врнежи. Засилен северозападен ветер.
Температури: од -2 до 12°C.
Четврток:
Облачно со врнежи од дожд, а на планините снег. Во текот на ноќта со нов пад на температурите — премин од дожд во снег и во дел од пониските места.
Температури: од -4 до 14°C.
Следните 5–10 дена
Во периодот потоа се очекуваат температурни осцилации со чести наоблачувања, повремени врнежи (дожд и снег) и засилен ветер. Ќе има неколку нови влажни бранови, со услови за нови врнежи од снег на повисоките места и повремено во котлините.