Алина Кабаева е најбогатата жена во Русија, а велат дека Путин е подготвен да направи се за неа.
Повеќе од две децении по освојувањето на златниот олимписки медал, Алина Кабаева останува една од најпознатите руски гимнастичари . Меѓутоа, откако таа се повлече од спортот, нејзината слава се припишува помалку на нејзините спортски достигнувања, а повеќе на нејзината наводна врска со Владимир Путин .
Таа сега е најмоќната и најбогатата жена во Русија, која според неодамна откриените податоци, безмилосно ги уништува сите што ќе и се најдат на патот.
Гласините за бракот на Путин и Кабаева се појавија уште во 2008 година, иако во тоа време Путин сè уште беше официјално во брак со Људмила Очеретнаја. Истражувачките новинари презентираа докази дека Кабаева е мајка на двата сина на рускиот претседател – Иван и Владимир , кои се родени во 2015 и 2019 година. Ниту Путин, ниту Кабаева никогаш не ја признале нивната врска, а новата истрага на Би-Би-Си Русија испитувала како јавниот профил на Кабаева се менувал низ годините. Во рамките на оваа истрага, откриено е во кои сфери доминантна е руската „царица“ и зошто е најмоќната и најбогатата жена во Русија.
Развојниот пат на Алина Кабаева, неформалната „царица“
Во 2007 година, Кабаева стана член на руската Дума. Седум години подоцна, таа беше назначена за претседател на одборот на директори на Националната медиумска групација, која ги надгледуваше операциите на Нетфликс во Русија до почетокот на инвазијата на Украина. И покрај овие јавни функции, по повлекувањето од спортот, Кабаева најмногу избегнуваше публицитет. Во ретките прилики кога зборуваше за медиумите, најчесто се работеше за нејзиниот фестивал за ритмичка гимнастика наречен „Алина“.
Тоа почна да се менува во 2022 година, кога таа го најави создавањето на меѓународна асоцијација за тимови за ритмичка гимнастика наречена „Скај Грејс“ и отвори училиште под истото име. Пред тоа, Кабаева ретко преземаше тренерски улоги.
Ова е пресвртница од две причини:
Прво, ова предизвика Кабаева преку ноќ да стане јавна личност. Училиштето често објавува видеа за обука каде што ги советува учениците. Тие се направени да изгледаат како случајни кадри од зад сцената, но вистината е дека тие се внимателно избрани
Спортска новинарка која често известуваше за настани организирани од Кабаева рече дека ништо не излегува во јавноста без нејзино претходно одобрение.
– Ниту една фотографија или видео со Алина Кабаева не се појавува на интернет без нејзино знаење и одобрение. Алина одобрува
Второ, „Скај Грејс“ доби привилегии неспоредливи меѓу руските спортски училишта. Креацијата на Кабаева е овластена да поставува свој календар на натпревари, да организира турнири според сопствени правила (заобиколувајќи ги прописите утврдени за ритмичка гимнастика во Русија и светот) и самостојно да доделува спортски титули на ученици и тренери
За кратко време, руските програми за ритмичка гимнастика дури мораа да се координираат со „Скај Грејс“ кога ги менуваа сопствените правила за натпреварување.
– „Скај Грејс“ во суштина е посебен спорт. Има свои правила, со посложени рутини. Според овие правила се одржуваат наменски турнири, а за овој „спорт“ се доделуваат спортски титули. Всушност, Кабаева успеа да го истурка сопствениот измислен спорт покрај ритмичката гимнастика, а сега постојат заедно во сите официјални записи – изјави за „Би-Би-Си Русија“ спортска новинарка која следи гимнастика.
И тоа не е се. Минатото лето, спортистите на Скај Грејс се натпреваруваа на Игрите БРИКС против гимнастичари од националните тимови, вклучително и тим што ја претставува Русија. Со други зборови, училиштето на Кабаева ефективно учествуваше како да е посебна држава. На Игрите на БРИКС Кабаева наводно се судрила со Ирина Винер, тренерката која ја одведе до два олимписки медали, а во оваа кавга се крие одговорот на прашањето колку навистина е моќна Алина Кабаева, жената со прекар „првата љубовница на Русија“.
Тајни исплати на „првата љубовница на Русија“
Во прилог на тоа колку е моќна Алина, информациите што неодамна ги објавија руски истражувачки новинари говорат и за исплатите што Кабаева ги добивала како 17-годишна.
Спорните плаќања, како што откри истрагата, доаѓале од воената единица број 16660 лоцирана во близина на Москва. Единицата е дел од Федералната служба за заштита (ФСО) и е директно под контрола на претседателот на Русија.
Исплатите беа извршени во 2000-2001 година, на почетокот на претседателствувањето на Путин, а медиумите ги најдоа доверливите пензиски досиеја на Кабаева.
– Иако сумите што ги заработила Кабаева биле скромни, интригантен е фактот дека таа била поврзана со ФСО на само 17 години – се наведува во истрагата.
Кабаева е, според руските медиуми, најбогатата жена во Русија, со империја на скриени средства во вредност од најмалку 81,85 милиони фунти, иако Путин сè уште не ја признава својата врска со неа.
– Парите на даночните обврзници го финансираат раскошниот начин на живот на неговото тајно семејство. Домот на Кабаева е изграден на државен имот, нејзиниот недвижен имот го донирале пријателите на Путин кои профитираат од државните договори. Тоа го плаќаат компании кои се занимаваат со пропаганда и измами. Не е тајна дека Алина Кабаева е една од најбогатите жени во Русија. Сепак, нејзиното богатство и имот се внимателно сокриени. И покрај тоа што во суштина е прва дама, Кабаева не ги открива своите приходи – се вели во извештајот од истрагата.
Сепак, таа е наведена како сопственичка на неколку станови во Москва и Санкт Петербург, како и на две вили. Таа, исто така, има имот вреден милијарди рубљи во Сочи, каде што води елитна гимнастичка академија.
Во ноември, таа беше видена како носи фустан од Диор од 2.960 фунти, и покрај санкциите поради нејзините врски со Путин и инвазијата на Украина.