Неверојатни сцени на аеродромот во Мелбурн, каде Новак Ѓоковиќ ја напушти Австралија… Истото место како и минатата година, но настаните се сосема различни.
Сите се сеќаваме како минатата година полицијата го спроведе Новак од аеродромот, кога беше донесена одлуката за депортација. Сега сè е целосно превртено.
Полицајците се уште беа таму, но за да му помогнат на Новак да стигне до терминалот. Причината – огромен број луѓе кои сакале да се сликаат со својот херој.
Имаше и многу српски знамиња, но и голем број туристи кои се воодушевија што го видоа Новак и сакаа да добијат фотографија за спомен.
Како сè се сврте за само 365 дена… Аеродромот на кој му беше одземена слободата сега стана место каде што го сакаат.
Забележливо е дека Ѓоковиќ беше расположен и дека се обиде да ги запознае навивачите.